همسات البنات

قبل مانبتدي عايزين نتفق على حاجة أي حد بيصنع جهاز .. بيبقى هو أدرى واحد بإماكنياته فبيكتب كتالوج يوضح الطريقة الصح لتشغيله ولو حد شغله بطريقة تانية ..... الجهاز هيهنج ولله المثل الأعلى ربنا هو اللي خلقنا وحطلنا أعظم دستور في الدنيا الدستور ده هو الوحيد اللي يقدر ينظم حياتنا وتعاملاتنا ولو خالفناه .... النتيجة الطبيعية .... إننا هنهنج !!!!!
وهنلاقي نفسنا ماشيين عكس التيار ... واحنا اللي هنخسر في الآخر
يبقى الحاجة اللي ماترضيش ربنا .. أكيد أكيد هتضرنا الهمسات اللي جاية دي موجهه للبنات البنات اللي مستعجلين على الحب الحب الحرام الحب قبل الخطوبة والزواج مستعجلين على ايه مش قادرة تصبري سنتين ثلاثة ؟؟استعجالك ده هيبوظلك حياتك كلها ... بما فيها حبك مش مصدقة ؟؟ ممكن تكوني بتقولي ده قصص الحب دي بتنتهي دايما بزواج سعيد حياتي هتبوظ إزاي بالحب ده ؟

طيب خليكي معانا وإوعي تغيري المحطة
سبحان الله وبحمده سبحان الله العظيم


الــهـمـســــة الأولى

لو قرأتي أي استقصاء أو استطلاع آراء عن نهايات قصص الحب هتلاقي إن معظم الشباب بيقولوا : من خلال اللي بنشوفه ....
أغلب القصص دي مابتنتهيش بزواج يمكن واحد في المية بس اللي ممكن ينتهي بزواج
مممممممم
يعني أغلب البنات اللي ماشيين في قصص حب دلوأتي هيتجوزا حد تاني
طيب أنا عايزة أسألك سؤال ؟ علاقات ماقبل الزواج دي ممكن تأثر على العلاقة الزوجية ؟؟
طبعا مش معقول هتقولي لأ ... لأن مفيش حاجة ملهاش تأثير
فمابالك بعلاقة إنسانية .. فيها مشاعر وأحلام
يبقى أكيد هتقولي اه ؟؟
العلاقات دي فعلا بتأثر وبتسيب ذكريات في نفس البنت الذكريات دي ممكن تكون سعيدة
يعني كل ماتفتكر اللي حبته قبل الزواج تقول دي كانت أيام جميلة ياريتني كملت معاه حياتي وبعدين تفوق على الواقع وبتقعد تقارن بينه وبين زوجها وهتحس إنها مش سعيدة .. وإن اللي حبته أحسن من زوجها فهتندم إنها عملت العلاقة دي أصلا لأنها كانت السبب في توتر حياتها أما لو كانت الذكريات دي حزينة يعني كل ما تفتكره تقول أنا حبيته بجد وهو ضحك عليا ولعب بيا فالطبيعي إنها هتندم على إنها عملت العلاقة دي لأنها اتجرحت يعني سواء العلاقة دي تركت ذكريات سعيدة أو حزينة ... فهي هتندم في كلا الحالتين بعد الشر عليكي إن شاء الله اليهود كلهم يا رب ممكن تقولي أصل الشباب دول مش جادين في علاقاتهم عشان كده فشلت أما أنا جادة وإن شاء الله هكون من الواحد في المية اللي علاقاتهم بتنتهي بزواج طيب

خليكي معانا برضه فاصل ... ونواصل

لا اله الا الله والله اكبر ولا حول ولا قوة الا بالله العلي العظيم


الـهـمـســــة الثــانــيـــة

أكيد كل بنت نفسها في بيت هادي ومطمئن وسعيد
الحب مدفيه .. والاحترام معليه
وطبعا البيت اللي بالمواصفات دي نعمة من نعم ربنا طب ينفع أنا أتمنى النعمة دي من ربنا وأنا بادءة الموضوع أصلا بمعصية ؟
بصحوبية وحب وخروجات وتليفونات ورسايل حب ماهي كل حاجة لها بداية غلط وبداية صح
والحاجة اللي تبتدي غلط تكمل غلط
وهي دي البداية الغلط للزواج
فاللي تبتدي كده تبقى بتحرم نفسها من بركة ربنا في جوازها وحياتها يعني حتى لو انت هتنهي علاقة الحب دي بجواز وانت جادة في كدة
فده مش مبرر يخليكي تضحي ببركة وتوفيق
ده غير اللإثم اللي هتشيليه وصورتك في عين الناس وفي عين زوجك
وبعدين إيه أصلا اللي يضمنلك إن علاقة الحب دي هتنتهي فعلا بزواج زي ما انت ناوية ؟
طب ماهو كل البنات بيبقى عندهم نفس نيتك
ورغم كده أغلب العلاقات دي بتفشل
فليه تعرضي نفسك لتجربة خسارتها أكبر من مكسبها ده إذا كان فيها مكسب أصلا
الله أكبر ولا حول ولا قوة الا بالله

الـهـمـســــة الثـالثـــة

ممكن تكوني بتقولي دي حاجة غلط اه
بس انت مكبرة الموضوع وهو صغير
طيب أنا همشي معاكي وهقول إنها غلطة صغيرة
ماسمعتيش الحديث اللي بيقول :
" إياكم ومحقرات الذنوب فإنهن يجتمعن على المرء حتى يهلكنه "

وطبعا كلامك مع الشاب ده بيبقى يوميا تقريبا

يعني مداومة وإصرار على المعصية دي حاجة أصعب من المعصية نفسها يعني لو كانت معصية صغيرة وبتداومي عليها فهي هتهلكك لكن والله يا أختي هي مش صغيرة
طبعا إنت أكيد عارفة آية " ولا متخذات أخدان "
والآيات والأحاديث اللي عن غض البصر
والعلاقات دي والله من الحاجات اللي ضيعت شبابنا وكانت أكبر فتنة لبني إسرائيل هي النساء
لسة بتقولي إنها غلطة صغيرة ؟؟؟

اللهم اني استغفرك واتوب اليك

الهـمـســــة الرابعـــــة

أنا عايزة أعرف إحساسك ايه بعد ماتنهي لقاء بينك وبين الشاب ده بتبقي فرحانة ولا زعلانة يعني بتبقي متضايقة وضميرك بيأنبك لأنك بتعملي حاجة غلط ؟؟ لو اه .. يبقى دي إن شاء الله بشرة خير لأن الإحساس ده هيدفعك للتوبة أما لو بتكوني فرحانة بعد اللقاء ده وبتروّحي طايرة وتقولي لأهلك كلهم أنا بحبكوا أوي وتبوسي فيهم لا يا أختي إوعي تكوني كده دي المعصية دي حاجة والفرح بالمعصية حاجة تانية يعني تخيلي واحد بيقول أنا بكدب .. وأنا فرحان يا رب إني بكدب دي صعبة أوي ده أنا لو بفرح بمعصية ربي يبقى أكيد في حاجة غلط في قلبي ده أنا لازم أبكي على نفسي وأحاول أصلح قلبي فيا أختي لو كنت من اللي بيفرحوا باللقاء أو العلاقة دي فراجعي قلبك و سيبي سعادة الحرام عشان ربنا يرزقك سعادة الحلال ولو كنتي من اللي بيتضايقوا فبقولك عندك حق لأن المعصية بتسبب ظلمة وضيق في القلب " ومن أعرض عن ذكري فإن له معيشة ضنكا "
وطبعا مفيش إنسان عاقل يعمل حاجة بتضايقه ...
وتغضب ربه سبحان الله العظيم وبحمده


الـهـمـســــة الـخـامـســـــة

اتكلمنا عن الإحساس بالسعادة .. وهنتكلم دلوأتي عن الإحساس بالخوف وانت قاعدة مع الشاب ده بتبقي خايفة إن حد يشوفك ؟؟ أصحابك .. جيرانك .. قرايبك .. إخواتك .. أبوك .. أمك ولا عادي مش فارقة معاك إن حد يشوفك ؟؟ لو بتبقي خايفة وقلقانة طب ايه اللي يجبرك على قعدة زي دي قعدة كلها خوف وقلق وإحساس بخيانة أهلك وثقة أصحابك فيك ولو الموبايل رن في البيت وشك يتخطف وقلبك يقف ... وتكدبي فين السعادة هنا ؟؟ وصدقيني في الآخر الموضوع مش هيجيب همه ووالله مافيش أحلى من راحة البال ولو قلتِ إنك مش بتخافي من حد ومش فارقة معاكِ إن حد يشوفك طيب تعرفي إن دي اسمها مجاهرة بالمعصية ؟؟ ورسولك بيقول ايه
" كل أمتي معافى إلا المجاهرون "
تعرفي ليه ؟؟
لأن المجاهرة بالمعصية بتعمل عند الناس حاجة اسمها ... " إلف المعصية "
يعني الناس من كتر ماهي بتشوف توينزات واتنينات في كل حتة المعصية هانت عليها وحست إنها مش كبيرة وتقول ايه يعني .. ماكل البنات كده فالمجاهرة بالمعصية بتسبب إلف المعصية وإلف المعصية بتسبب إشاعة الفاحشة وربنا بيقول
{إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ }النور19

وبالتالي إنتِ هتاخدي ذنب كل بنت شجعتيها من غير ماتحسي على الحب الحرام
من الاخر لو كنتِ بتخافي ..... بطّـلي عشان تستريحي مش بتخافي ..... دي مصيبة !!!

لا اله الا الله ....محمد رسول الله

الـهـمـســـة السـادســــة

لو سألنا أي بنت عن مواصفات فارس أحلامها تفتكروا هتقول ايه ؟؟ أول حاجة هتقولها هي إنه يكون متدين لأنها عارفة إنه هيراعي ربنا فيها " إن أحبها أكرمها وإن كرهها لم يهنها " طيب فيه مقولة بتقول إن أردت عليًا فكوني فاطمة يعني لو أنا عايزة ربنا يرزقني بواحد ملتزم ومالوش علاقات ببنات طيب هل أنا أستحقه ؟ ربنا بيقول " ومن آياته أن خلق لكم من أنفسكم أزواجا .... " فيه علماء فسروا كلمة " من أنفسكم " يعني شبهكم من نفسك يعني شبهك يعني لو انت ملتزمة غالبا هيجيلك واحد ملتزم أما لو بتحبي ده وتصاحبي ده وتكلمي ده هيجيلك واحد كده برضه لأن الجزاء من جنس العمل لو عايزة واحد ماتشوف عينه إلا حلاله .... إنت كمان ماتشوفيش إلا حلالك ولوعايزة واحد يتقي الله فيكِ .... اتقي الله في نفسك

يا رب يا من بيده ملكوت كل شئ رحماااااا كده خلاص خلصنا الهمسات

عايزة بس أقول كلمة أخيرة يا أختي في الله الحب مش حرام ديننا مش ضد الحب .... ده هو دين الحب لكن ضد إنك توجهيه غلط الغرض من القيود دي هو راحتك في الآخر الغرض منها هو الوصول للحب الحقيقي الحب والمودة والاحترام بين الزوجين ده من أجمل النعم لكن ...((((( ما عند الله .. لا يؤخذ بمعصية الله ))))) وصدقيني لما تبتدي صح قيمتك هتعلى أكتر عند زوجك حبيبتي في الله مشاعرك أمانة أيوة أمانة أمانة من ربك حطها فيك وقالك ماتديهاش لحد من غير رضايا فلا تضيعي الأمانة وربنا يبارك فيكِ .. ويرزقك بيت من أسعد البيوت في الدنيا


منقوووووووووووول

شاركى برأيك: استشهاد مروة الشربينى في ألمانيا بسبب ارتدائها الحجاب

بسم الله الرحمن الرحيم

والصلاة والسلام على سيدنا محمد وعلى آله وصحبه

تحياتي لكم ,أعود إليكم بموضوع استفزازي يهز المشاعر ...امرأة مصرية عفيفة تقتل في محكمة ألمانية ؟!مروة الشربيني امرأة مصرية تعرضت قبل حوالي العام في إحدى الحدائق العامة في ألمانيا إلى السب والشتم من قبل رجل ألماني ,لماذا ؟ ,لأنها مسلمة محجبة ! قام هذا المعتدي بسب مروة ومحاولة شد حجابها أمام الناس ,هذا ما استدعاها إلى تقديم شكوى في السفارة المصرية ورفع دعوة قضائية لمحاكمة هذا الألماني ।ألزمت المحكمة غرامة على هذا الرجل حوالي (700 يورو) لكنه لم يعجبه الحال فرفع القضية لمحكمة النقد ।والآن وقبل أيام جاء موعد صدور الحكم فاستدعي الرجل واستدعيت مروة الشربيني وزوجها ... وأمام الجميع وفي المحكمة ...يعتدي هذا المجرم على مروة بسكين فيطعنها (18 طعنة) فيرديها قتيلة ,وعند محاولة زوجها في الدفاع عنها طعنه ! الأدهى من ذلك هو إطلاق الشرطة الألمانية التي جاءت متأخرة النار على زوجها !!نعم ,18 طعنة ولم يحرك أحد ساكنا واتهم الزوجين بالإرهاب !أليست هذه شهيدة بحق ,ذهبت لتدافع عن شرفها وحجابها فتقتل في سبيل ذلك ؟مروة كانت حامل في الشهر الثالث ,وكانت قد اصطحبت ابنها إلى المحكمة فرأى الطفل ذو الثلاث سنوات ما حدث لوالديه .امرأة انتقلت هي وزوجها يوم الزفاف متجهة لألمانيا في مهمة رسمية بفستان عرسها لم ترى حتى بيتها المستقبلي ,تقتل بدم بارد من قبل عاطل عن العمل شخصية حاقدة مستهترة : ألماني من أصل روسي .

جاءت في بالي قصة المرأة المسلمة في عهد الرسول (صلى الله عليه وسلم) التي ذهبت لتبيع ذهبها عند صائغ يهودي فدعاها لتكشف وجهها فأبت ,فعمد الصائغ لربط طرف ثوبها إلى ظهرها حتى قامت وانكشفت ,فصرخت وضحكوا عليها ,عندها وثب مسلم على اليهودي وقتله ثم قتل على يد أهل اليهودي فثار المسلمين ,عندما أقام النبي الكريم بالعدل وأمرهم بالدية رفضوا ,فحاصرهم حتى استسلموا .أين تبخرت نخوتنا وكرامتنا ,لماذا أصبحت قلوبنا قاسية لا نعيش سوى لأنفسنا ؟أليست هذه حادثة تدعونا للتحرك ؟ والدفاع عن شرفنا الذي أصبح كل من هب ودب يدوسه ؟!

ماذا برأيكم علينا أن نفعل كمسلمين ؟

شاركى برأيك الآن من خلال التعليق على هذا الموضوع.

منقوووووول